Labels

Tuesday, August 28, 2007

Aidil, Puluh Bulan

RANI inji, Aidil persis puluh bulan. Ulang bulan ni sai kepuluh. Hadiah ni, Sinta Buana masangko Indovision. Sekam ampai dapok nonton tivi jak jeno di rani.























Sunday, August 26, 2007

Hattrick: Nayuh di Telu Pulau

TELU karyawan PT Media Kalimantan Mandiri (Harian Umum Borneonews) jak Bagian Percetakan ngajong semasa Agustus inji.

"Hattrick," ani Eko ngomentari telu kantek sai ngajong.

Hebat ni muneh, tian telu ngajong ni di telu rang di telu pulau (Jawa, Sumatera, Kalimantan).




Urut-urutan ni jak atas mit bah: Staf percetakan Dodot Drajatnoto nyunting kundang ni, Robiana Safitri (akad nikah di Magetan, Jawa Timur, 4 Agustus 2007); Kepala Bagian Percetakan Junaidi Effendi nikah jama Ramayani (akad nikah di Lampung, 11 Agustus 2007); rik sai ampai nihan bebahagia, Rohmat Sutoyo ngukuhko cinta ni jama Weni Sugiarti (akad nikah di Pangkalan Bun, Kotawaringin Barat, 23 Agustus 2007).

Hattrick nangon. Telu-telu ni jelma percetakan. Telu-telu ni nayuh Agustus. Pak rang sumang, di telu pulau tanno ngumpul di Pangkalan Bun. Jadi keluarga besar Borneonews.

Wednesday, August 15, 2007

Mak Dacok Tisetel

JEMOH libur mani sawai, Jumat, 17 Agustus.

Kidang, induh api aga guwai. Aga midor, mak ngedok cukut. Nuntun tivi, tivi sai tibeli, Jumat (10/8) ampai ji, mak dapok tisetel.

Inji, inji... do aneh ni CV Sinta Buana, rang langganan Indovision. Ani tian, rang sekam telu manak di Barakan Serasi, mak ngedok jalur. Padahal, kiri kanan rumpok langganan Indovision unyin.

Kik ani jelma kebelah, jelma Sinta Buana mesurok nasang mit rang sekam mani tumbai wat sai nasang mak cawa jama tian.

Ah, sekam telu manak kan sumang jama sai mena.

Thursday, August 09, 2007

Makkung Meli Tivi

ADU aga telu minggu Aidil rik mama ni di Pangkalan Bun.

Ah ya... Nyak diribokko mama ni Aidil mani makkung juga meli tivi. Padahal tivi penting nyin mak mangi ga.

Adu pandai Pangkalan Bun mangi...

(Yu, meli. Mahap kik telat)

Tuesday, August 07, 2007

Mak Ratong

Musti ni nyak ratong mit Pertemuan Komunitas Awan Senja sai keruwa di SMPN 1 Kumai.

Kidang, wat masalah. Wai di lamban mak ngisok. Ampai urik jam telu dibi.

Tukang ni lamban lupa ngurikko wai.

Ah...

Wednesday, August 01, 2007

Kerita ni Aidil

ADU puluh rani Aidil rik mama ni nutuk nyak di Pangkalan Bun.

Aidil adu mulai biasa titinggalko jama mama ni kak nyak kerja mit kantor dibi sampiai tengah bingi. Biasa ni ya mesaka miwang rik mak pedom-pedom nunggu nyak ayah ni mulang.

Tanno, syukor ya adu dacok nyesuaiko keadaan.

Syukor muneh ya adu munyai nyak meruyuh beliasan. Jeno dibi midor nyepok kerita ni.

"Nyin Aidil geluk pandai lapah," ani Ren.

Kadu ni mit Pelangi meli susu ni sekalian aga langsung imunisasi. Kidang, dokter ni basa ni mak ngedok. Ya, adu mulang gawoh.

Nyak langsung mit kantor diantakko kimut ni Aidil.