Labels

Tuesday, April 29, 2008

Wat Tapis di Selendang ni

INJI foto keluarga ni Kepala Kepala Dinas Pendidikan dan Kebudayaan Kabupaten Lamandau, Kalimantan Tengah M Hasanuddin sai jadi calon Bupati Lamandau.


Kik foto inji wat di ija, lain hak mani nyak jadi tim sukses ni. Lain. Kenal goh nyak mawat.

Ingkah, wat sai narik di lom foto seno. Nyak muwak ni mak pandai. Kidang Ren pas ngeliak foto inji di Borneonews nunjuk selendang ni kajong ni Hasanuddin, Sri Haryani.

"Inji kan tapis," ani.

"Induh," aku.

Kidang Ren yakin seno tapis ngeliak jak ciri-ciri ni.

Wah, bangga juga kain khas Lampung inji dipakai jelma Lamandau. Persis ni kajong ni pejabat di Lamandau; sai kebetulan muneh PNS di BPN Lamandau.

Sunday, April 27, 2008

Ngiyangko Ati Begawoh

NGEBOLAK-balik koran minggu (maksud ni koran online). Mak ngedok sai narik tibaca. Sai sesuai jama minatku (subjektif).

Isi ni koran kelamonan ngiyangko ati begawoh: pelitik injuk pilkada di Lampung sai mak maju-maju, kelamonan musibah sampai kebingungan aga repa, rik bareh ni sai, kik aku, mak tibaca mak api-api. Pak tibaca, ya tibaca cutik-cutik gawoh.

Monday, April 21, 2008

Jadi Penulis Blog Pai Goh

REPA kik nyak nyalon jadi Gubernur Lampung ya?

Ngutip cawa ni tian, "Jangan gila dong! (Dang longanlah)!"

Ah, inji kan ingkah cawa ni Budi Hatees di seruit.com.

Taganko nyak jadi penulis blog pai goh, aku.

Thursday, April 17, 2008

Adu Saka...

ADU saka nyak mak (terok) nulis pelitik. Kidang jeno dibi, nyak nulis pelitik praktis becong. Judul ni, Dicari: Calon Gubernur dan Wakil Gubernur Lampung Alternatif.

Muhajir Utomo (foto jak ija)

Nyak pusing ngeliak calon-calon Gubernur rik Wakil Gubernur Lampung sai diusung partai-partai maseh pudak-pudak saka juga. Sai ngura (biasa ni calon wakil gubernur), mak pandai api prestasi ni.

Liak gawoh wat Oemarsono, Sjachroedin Z.P, Alzier Dianis Thabranie, Zulkifli Anwar, rik Andi Ahmad Sampurnajaya. Tian sunyin ni jelma tumbai begawoh sai adu te-kontaminasi bobrok ni pelitik.

Kik wakil-wakil ni tian, induh... kidah.

Jak kiri mit kanan: Max Lane, Andi Arief, Boediono (PBR), Budiman Sujatmiko, Agus Jabo, dan Sylvester (Pelopor) (foto jak ija)

Helau nihan kik sai gelar ni Andi Arief rik Muhajir Utomo nyalon muneh jadi Gubernur/Wakil Gubernur Lampung.

Repa ani keti? Sekam jak Borneo ingkah nonton pilkada Lampung.

Sunday, April 13, 2008

Luar Negeri (Sakti)....

PAKBALAK ni Aidil, Yuzirwan Zubairi (nomor ruwa jak kanan) sekula luwot (S-2) di Universitas Melbourne (The University of Melbourne) mulai tahun inji.

Yolda rik mama ni ampai nyusul mit Australia. Tanno, tian ngumpul di udi. Luar negeri.


Aidil, mama ni, rik nyak (sekam telu manak) ngumpul muneh di Borneo. Luar negeri muneh. Maksud ni luar Negerisakti (gelar ni pekon di Lampung). Hehehee....

Saturday, April 12, 2008

Mangi

SABTU bingi.

Mak ngedok cerita helau.

Kintu mangi.

Di kantor.

Aga mulang geluk.

Kidang terai.

Thursday, April 10, 2008

Telu Hal Mak Nyampai Lima

TELU hal. Telu gawoh mak sampai lima injuk Wimar Witoelar sai santor ngeculko lima perspektif ni di ANTEVE tiap rani Senin-Jumat, jam enom pagi.

Kesai, Meneg PPN/Kepala Bappenas Paskah Suzetta ngucakko bantuan tunai langsung (BLT) halok aga tiluncurko luwot tahun 2009 kik pemerintah terok nyapai target jelma jerah turun 8,2%. Kidang, Provinsi Kalimantan Barat (Kalbar) ngilu pemerintah pusat mak lagi ngegulerko BLT. "Kik dacok, dang lag BLT tisalurko mani ingkah nyani lamon masalah," ani Gubernur Kalbar Cornelis, jeno.

Keruwa, rani kesai pendaftaran anggota Komisi Pemilihan Umum (KPU) Kobar nambun. Kidang, ani Ketua Tim Seleksi Muhammad Chabib, ingkah 19 sai sesuai syarat.

Ketelu, rencaka sekam telu manak aga mulang mit Lampung adu nyebar di kantor. Bulan Mei, aku. Kidang, induh tanggal ni.