Labels

Friday, July 27, 2012

Mamak Kenut Kuruk TVRI

SERADU jak peluncuran rik diskusi di Toko Buku Fajar Agung, Bandar Lampung, Sabtu, 14 Juli 2012; bukuku Mamak Kenut: Orang Lampung Punya Celoteh (Indepth Publishing, 2012) tibahas di acara Forum Publik TVRI Lampung, Jumat, 27 Juli 2012. Jadilah nyak (tengah) kuruk tipi barong Managing Director Indepth Publishing, Tri Purna Jaya. Pemandu acarani Lies Trisyawati. Fotoni diakuk Vera Aglisa Fatah jak FB-ni di ija.

Wednesday, July 18, 2012

Peluncuran Buku 'Mamak Kenut'





PELUNCURAN 'MAMAK KENUT'. Buku Mamak Kenut, Orang Lampung Punya Celoteh karyani Udo Z. Karzi, terbitan Indepth Publishing, Juni 2012, tiluncurko di Toko Buku Fajar Agung, Bandar Lampung, Sabtu, 14 Juli 2012. Pembahasni budayawan Iwan Nurdaya-Djafar dan Iswadi Pratama jama moderator Tri Purna Jaya. 

Monday, July 02, 2012

'Mamak Kenut' pakai Hadiah Ultah Wan Agung

WAN Agung (Raihan Herza Muzakki Liwa) ulang tahun ketelu rani inji, Senin, 2 Juli 2012. Kebetulan buku Mamak Kenut, Orang Lampung Punya Celoteh -- bukuku sai diterbitko Indepth Publishing, Bandar Lampung, Juni 2012 -- ratong jak Jogja dibingini.

"Agung, selamat ulang tahun ya. Ayah ngeni kado buku sai lamon yu," aku pagini.

Agung pema riya. Halok mak ngereti. Hehee....

Di halaman persembahan buku nangon kutulis:
sebuah warahan 
untuk istriku  Reni Permatasari 
anakku Muhammad Aidil Affandy Liwa
dan Raihan Herza Muzakki Liwa
Kekalau jelma lamban munyaian merawan muneh. Amien.


Sunday, June 17, 2012

Mamak Kenut, Orang Lampung Punya Celoteh



BUKUKU sai paling ampai, Mamak Kenut, Orang Lampung Punya Celoteh diterbitko Indepth Publishing, Bandar Lampung, Juni 2012 sekedol xxi + 226 halaman. Kekalau laris...

Wednesday, May 23, 2012

Kliping...


Ruwa sajak di Minggu Merdeka, 16 April 1989 rik sai artikel di Simponi Edisi 21 Maret 1990 makai gelar samaran Joel K. Enairy.

Wednesday, May 02, 2012

Pakaian Adat Lampung


MERINGATI Hari Kartini, Sabtu, 21 April 2012, Taman Kanak-kanak Putri Azizah, TK-ni Aidil nyani gawi Fashion Show Pakaian Daerah. Wah, kebingungan muneh aga nyiwo-nyiwo kawai mit salon. Ani mamani, adu ucakko gawoh jama tian di Liwa, nyin Aidil makai tungkus, topi khas pakaini bakas adat Lampung Saibatin.

"Helau. Kan khas Lampung Barat," ani Ren.

Ya, adu. Kutelepon bak di Liwa nyin Aidil disaniko tian tungkus.  Ani bak, "Yu, kanah. Kidang, keti usaha muneh nyepok di Tanjungkarang."

Aku, jak ipa muneh nyiwo tungkus di Bandar Lampung. Inji kan pakaian khas Liwa. Watni di Liwa atau Lampung Barat.

Reno dia mulani bak mit Karang rani Kemis, 19 April 2012 ngusung seperangkat pakaian kemiyan lengkap. Ani mak sekalian gawoh tilengkapko.

Alhasil, jadido Aidil makai tungkus rik kelengkapan pakaian adat Lampung Barat sai bareh di acara Fashion Show TK Putri Azizah, Sabtu, 21 April 2012 injuk foto di atas.

Ingkah Aidil sai makai injuk reno. Ditanya mamani rikni Aidil, "Pakaian adat dipa?"

"Pakaian adat Lampung Barat."

"Ooo... beda-beda yu?"

Naiya muneh, Aidil ganteng pokokni.

Friday, March 02, 2012

Kicik Terai

Copyright All rights reserved by rainboWaves


Cry your heart out, let it all go, because after every tear there is a rainbow


radu do taru pai nyalahkon terai
terai nangon mak kuk ngerti sai neram rasakon
terai mak pandai jama keharaga neram
terai muneh mak kuk paham api sai ram pikerkon
radu taru pai nyesoli terai
ram ingkah ingok terai radu ngeni ram reti
jadi, mak ngedok alasan menyuwoh jama terai
-Udo Z. Karzi


* Kutipan puisiku (delom bahasa Indonesia) tipakai di foto di atas. Kuakuk jak ... klik http://www.flickr.com/photos

Wednesday, February 15, 2012

Jabung rik Sekala

NGERIBUTKO Kerajaan Sekala Brak. Api sekala? Lamon sai nanya-nanya.

Jabung
sekala 
Susah juga nerangkoni sai gelarni sekala. Kuucakko sanini gulai. Kidang pagun mak pandai. Untung wat Nurwan Gawoh -- reno gelar FB-ni -- sai nyegokko foto-foto sekala di FB-ni.

Ya adu, kumaling gawoh foto-fotoni mit blog inji. Hehee... kekalau ya rila.

Eh, perlu tijelasko. Batangni sekala batangni injuk sesuk (ingok pantun "Sesuk Lawi". Na, batangni ngambangko "jabung". Kasi tiucakko "jabung" ajo semakkung jadi "sekala". Kik kambangni adu mekar, luardo jak sela-sela jabungno kemutikni "sekala" sampai jadi sekala ngura. Kik adu gugoh unyinni kelopak kambangni jadido "sekala". Reno!

"Jabung" mbangik tigulai. Kik titambahko di gulai iwa, lelawa bangikni kidah. Sekala mbangik tijadiko peros atawa serbat.
Link
Inji do batang, jabung, rik wahni sekala. (Kuakuk FB-ni Nurwam Gawoh di ija)