Belajar Ngebaca Puisi

Foto-foto: Oyos Saroso HN rik Alexander GB

Nyak turuk ngebaca puisi delom Silaturahmi dan Panggung Sastrawan Lampung sai diguaiko Komite Sastra Dewan Kesenian Kesenian Lampung (DK) di Gedung Olah Seni Taman Budaya Lampung, Selasa, 24 Desember 2013.

Adui, nyak setemonni mak pandai ngebaca puisi. Hehee... Kidang lumayanlah. Ruwa puisi sai kubacako: "Setiwang" rik "Way Besai".

"Telu puisi sai di manuskrip Hilang Silsilah ini kusani waktu nyak tedaya di Pangkalan Bun, Kalimantan Tengah. Seradu jak seno, nyak mak

pandai lagi nyani puisi," aku semakkung ngebaca puisi.

Penyair rik cerpenis sai bareh sai ngebacako puisi rik cerpenni bingi inji yaddo: Ahmad Yulden Erwin, Asaroeddin Malik Zulqornain Ch., Yulizar Fadli, Fitri Yani, Iswadi Pratama, Syaiful Irba Tanpaka, Inggit Putria Marga, Edi Purwanto, Ari Pahala Hutabarat, dan Alexander GB.

Sastrawan bareh sai mak dacok ratong (delom buku Hilang Silsilah: Kumpulan Karya Sastrawan Lampung, terbit November 2013, wat 12 cerpenis rik 17 penyair) di hantarani: Panji Utama, Djuhardi Basri, Dahta Gautama, Edy Samudra Kertagama, Jimmy Maruli Alfian. Arya Winanda, Arman AZ, Anton Kurniawan, Asarpin, Ika Nurliana, Rilda A Oe Taneko, Susilawati, Yuli Nugrahani, rik sai barehni.

Reno riya!

Ekspresi, ekspresi...

FOTO-FOTO: LAMPUNG POST/IKHSAN DWI NUR SATRIO

INJI gayaku hehee... jak acara Peluncuran dan Diskusi Buku Kumpulan Cerita Buntak Tumi Mit Kota karya Udo Z. Karzi dan Elly Dharmawanti di SMAN Liwa, Lampung Barat, Kamis, 19 Desember 2013.

Apresiasi Sastra SMAN 1 Liwa

NYAK ngeniko materi Aspresiasi Sastra sai diguaiko SMAN 1 Liwa, Lampung Barat delom rangkaian Festival Bahasa dan Sastra VII, Jumat, 22 November 2013.

Nyak ngusung makalah sai judulni Jejak Literasi Liwa. Dapok dibaca [klik dija]

Seradu Pitu Tahun Epak Bulan...

"DO, sekam ruwa jama sai bungsu adu sampai di lamban," ani Nurdin (35) jak uncukni hape, Selasa, 12 November 2013 sekirani pukul 14.30.

"Mujor nihan kidah. Selamat sampai lambang," timbalku.

Setemonni nyak meniok muneh waktu ngantakko tian ruwa di Pool bus Krui Putra di Terminal Rajabasa, Subuh semakkungni. Ceritanya mekejung...

... kidang kak jejemoh tilajuko. hehee..

Mak Dibirik Aidil...

"AI, jemoh Aidil ulang tahun," aku nambi. "Jemoh kan reramikan ngerayako ulang tahunni Aidil di lapangan. Jemoh upacara mawat?"

Aidil Affandy Liwa

(Aidil pitu tahun rani ini. Rani laherni, 28 Oktober kebetulan barong jama peringatan Hari Sumpah Pemuda. Jadi sai ngerayako Sumpah Pemuda ya ngerayako ulang tahunni Aidi muneh. Hehee...)

Aidil pema riya. Injuk aga miwang.

"Kok Aidil mak tikeni hadiah?" timbalni Aidil.

"Mama adu ngeni hadiah macom-macom," ani Mamani.

"Iya, kerita angin udi kan hadiah ulang tahunni Adil," aku luwot.

"Naiya, kidang sedi tumbai..." Pecoh hiwangni Aidil.

Kesian muneh. "Yu... jemoh kak ayah adu gajian kadoni," aku.

Aidil pema riya maseh bebisok.

"Aidil aga kado api?" Nyak nanya luwot.

Masih bebisok.

"Yu, barong ayah kak adu gajian meli kadoni," tambah mamani. "Aga kado api?"

"Mubilan sai wat remotni..."

"Ai bang mubilan. Sai bareh riya?"

"Buku?"

...

Kidang, mak dibirik Aidil kik mak mubilan.

Yu, lah. Kidang, ayah makkung gajian.

Jemoh yu, Dil.

Ruwa Puisi Nulak Korupsi

RUWA PUISIKU: Di bah inji ruwa puisiku, Pak Guru Bu Guru Tak Mengajari Korupsi rik Guru Bertanya, Siswa Menjawan delom Sosiawan Leak rik Rini Tri Puspohardini (Ed). Puisi Menolak Korupsi 2b Solo: Forum Sastra Surakarta, Cet I, September 2013. hlm. 336-338.

Pak Guru Bu Guru Tak Mengajari Korupsi

Guru Bertanya, Siswa Menjawab