Seradu Pitu Tahun Epak Bulan...

"DO, sekam ruwa jama sai bungsu adu sampai di lamban," ani Nurdin (35) jak uncukni hape, Selasa, 12 November 2013 sekirani pukul 14.30.

"Mujor nihan kidah. Selamat sampai lambang," timbalku.

Setemonni nyak meniok muneh waktu ngantakko tian ruwa di Pool bus Krui Putra di Terminal Rajabasa, Subuh semakkungni. Ceritanya mekejung...

... kidang kak jejemoh tilajuko. hehee..

Mak Dibirik Aidil...

"AI, jemoh Aidil ulang tahun," aku nambi. "Jemoh kan reramikan ngerayako ulang tahunni Aidil di lapangan. Jemoh upacara mawat?"

Aidil Affandy Liwa

(Aidil pitu tahun rani ini. Rani laherni, 28 Oktober kebetulan barong jama peringatan Hari Sumpah Pemuda. Jadi sai ngerayako Sumpah Pemuda ya ngerayako ulang tahunni Aidi muneh. Hehee...)

Aidil pema riya. Injuk aga miwang.

"Kok Aidil mak tikeni hadiah?" timbalni Aidil.

"Mama adu ngeni hadiah macom-macom," ani Mamani.

"Iya, kerita angin udi kan hadiah ulang tahunni Adil," aku luwot.

"Naiya, kidang sedi tumbai..." Pecoh hiwangni Aidil.

Kesian muneh. "Yu... jemoh kak ayah adu gajian kadoni," aku.

Aidil pema riya maseh bebisok.

"Aidil aga kado api?" Nyak nanya luwot.

Masih bebisok.

"Yu, barong ayah kak adu gajian meli kadoni," tambah mamani. "Aga kado api?"

"Mubilan sai wat remotni..."

"Ai bang mubilan. Sai bareh riya?"

"Buku?"

...

Kidang, mak dibirik Aidil kik mak mubilan.

Yu, lah. Kidang, ayah makkung gajian.

Jemoh yu, Dil.

Ruwa Puisi Nulak Korupsi

RUWA PUISIKU: Di bah inji ruwa puisiku, Pak Guru Bu Guru Tak Mengajari Korupsi rik Guru Bertanya, Siswa Menjawan delom Sosiawan Leak rik Rini Tri Puspohardini (Ed). Puisi Menolak Korupsi 2b Solo: Forum Sastra Surakarta, Cet I, September 2013. hlm. 336-338.

Pak Guru Bu Guru Tak Mengajari Korupsi

Guru Bertanya, Siswa Menjawab

Buka...

Buka Tahun Inji Aga Ngeliak Sekura Pai...

Ngejalang Sekuraan di Lampung Barat.

BUKA tahun inji sekam pak manak aga mulang.

Kik pak risok injuk sekura, Aidil rik Wan Agung aga ngeliak sekura pai.

Mesumor muneh jama lemang, tat, daleh kembang loyang.

Kekalau Andung, Datuk, tian di lamban nyani...  

Nyepok Sinsal

API aga lajuni Lampung inji. Pemilehan gubernur tambah mak jelas. 

Malah tanno tambah layau. Jelma-jelma di atas malah pecoh. Sesalah-salahan.

Layin hak bebarong nyepok renglaya sai helau, malah nyepok-nyepok sinsal repani nyalahko rumpok.

Sunyinni salah.Mak ngedok sai benor kik mak nyak...

Na, buntu kik reno!

Wan Agung Pak Tahun

Wan Agung

RANI inji, Wan Agung alias Raihan Herza Muzakki Liwa genap pak tahun umorni (2 Juli 2009-2 Juli 2013).

Aga ngeni hadiah, ayah basani mak bepitis. Hehee...

Jeno, dibi kala nyusul mama jak sekula, singgah pai di Pasargintung.

Wan Agung (kiri) rik Aidil.

"Meli manuk pai. Agung ulang tahun, mak ngedok gulai di lamban," ani Ren.

Selamat ulang tahun yu anak ganteng!

Laher - Mak Lagi

Djafar Husein Assegaf  (1932-2013)

12 JUNI. Halok ingkah kebetulan riya, wartawan-diplomat  Djafar Husein Assegaf mak lagi di Jakarta, 12 Juni 2013.

Bakas sai laher di Tanjungkarang, Lampung, 12 Desember 1932 inji wat jadi Redaktur Politik Harian Indonesia Raya (1956-1959), Wakil Pemimpin Redaksi Harian Abadi (1959-1960), Managing Editor Harian Indonesia Raya (1968-1972), Pemimpin Redaksi Suara Karya (1972), Pemimpin Redaksi Majalah Warta Ekonomi (1990-1993),  Pemimpin Redaksi Harian Media Indonesia (1997-2001), Wakil Pemimpin Umum Media Indonesia (2002), terakhir Komisaris Utama Media Group (Metro TV, Media Indonesia, rik Lampung Post).

Udo Z. Karzi (1970-...)

Mak ingkah wartawan, alumnus angkatan sai paling muwak jurusan publisistik Universitas Indonesia inji kanjak 1964 dosen di almamaterni. Ya kaduni beguai di seksi penerangan Komando Operasi Tertinggi (Koti) 1964-1968. Wat muneh jadi Dubes Republik Indonesia di Vietnam (1993--1997). Ya maseh Ketua Dewan Pembina Partai NasDem waktu diurau Allah Swt., 12 Juni 2013.

Induh.... Nyak (Udo Z. Karzi) tanno basani ulang tahun (laher di Liwa, Lampung, 12 Juni 1970). Di kantor bebarongan muneh di tanggal sai ulang tahun, Soni Elwina Asraf rik Pak Udik. Jeno wat acara ngeduako Pak Djafar sai mak lagi rik Pak Udik sai ulang tahun.

Jadido, ngerayako ulang tahun sambil ngingokko mati! Rupani, hantara laher rik mati udi meredik.

Barcode Feodalisme Modern

INJI Barkode jak Tim ISBN/KDT

pakai bukuku:

Judul: Feodalisme Modern: Wacana Kritis tentang Lampung dan Kelampungan
Penulis: Udo Z. Karzi
Penerbit: Indepth Publishing, Bandar Lampung
ISBN: 978-602-17314-7-5

sai basani delom proses terbit. Kekalau geluk terbit.

Rapat Seniman

RAPAT. Nyak, Udo Z. Karzi (kiri) rik Oyos Saroso HN waktu rapat persiapan Festival dan Lomba Seni Siswa Nasional (FLS2N) SD-SMP di Dinas Pendidikan Provinsi Lampung, Bandar Lampung, Kamis, 21 Maret 2013.Foto diakuk Isbedy Stiawan ZS pakai BlackBerry Smartphones App-ni.