Pepira buku tamu di blog inji nanya, "Api kabar?" Reno muneh SMS rik pas ngebuka YM.
Tugu Kayu Hagha, LiwaNangon biasa, basa-basi istilah ni.
Kujawab, "Sihat."
Peperda, basa-basi.
Kidang, tetap riya nyani nyak tiram jama Lampung. Terok pandai repa cerita ni Lampung, kubuka situs ni Lampung Post, up date terakhir Kamis (22/11). Berita bayu. Kubuka Radar Lampung, up date terakhir Jumat (23/11). Mak ngedok kabar sai ampai.
Weh, lain hak ngubati tiram, ingkah nyani nyak ngeribok-ngeranuh. Sai ngelola situs, mak serius. Nyani kesol gawoh!
Tepaksa browsing, utak-atik, rik ngebaca-baca ulang Ulun Lampung. Tanno, kukeni gambar atas Danau Ranau. (Aidil tian ruwa manak makkung wat mit dudi!)
Jeno setemon ni diurau tian kantor turuk mit Teluk Bogam, Kumai. Rik kantor, Mbak Wana ulang tahun. Tirayako dudi. Kidang, ani Ren ikin turuk, hiruk ga ngusung-usung alat-alat rik kanikan ni Aidil.
Jadi, di lamban riya. Kadu ni sekam telu mana luwar di rani nyepok gulai pakai mengan.
Adui... Pangkalan Bun jaoh jak Lampung.
1 comment:
ulih ngarantau ne jaoh, jadine resok tikham..,gegeh gawo jama sikam... ki sikam tiram ...nyepok iwa gawoh.., mengan iwa bakar jama sambol..jd tikham ne lebon cutik.
Post a Comment