NYAK kebagian ngedit berita-berita jak Kabupaten Seruyan. Inji kabupaten aneh-aneh.
Rani, Kemis (8/5) -- barong jama Kabupaten Lamandau, Sukamara, rik Katingan di Provinsi Kalimantan Tengah (Kalteng) -- ampai jak pilkada.
Cerita-cerita lucu jak Seruyan wat-wat gawoh. Injuk Bupati Seruyan Darwan Ali sai mak aga cuti pas kampanye pilkada pak ada wat SK Gubernur Kalteng sai ngucakko ya cuti. Kidang, mak urung ya ngucakko cuti juga seradu kena sorot mit dipa-ipa.
Darwan Ali ji besangan jama Tarmidi (tian nyingkat pasangan inji: Data) nyalon luwot jadi Bupati Seruyan jak PDIP rik pepira partai bareh. Lawan ini Guntur HAA-Bambang Sudono calon jak Partai Golkar.
Darwan cuti kan reti ni wakil bupati ni, Rasyidi Harun otomatis jadi Pejabat Sementara (Pjs) Bupati Seruyan. Kidang, induh muneh pegawai dudi, termasuk Sekkab, Asisten Sekkab, rik kepala-kepala dinas/instansi mak nerima Rasyidi Harun jadi Pjs Bupati.
Waktu Rasyidi Harun inspeksi mendadak (sidak), kepala-kepala dinas malah 'lijung' atawa segok. Repa muneh.
Sai nyani nyak heran muneh, waktu nyoblos, Kemis (8/5) sai kandidat Bupati, Guntur HAA mak nutuk mileh. Ya, malah di Sampit, Kabupaten Kotawaringin Timur (Kotim).
Alasan ni, ya mak ngedok KTP Seruyan. Aneh kan? Masa aga jadi Bupati Seruyan, kidang kuk KPP Seruyan goh mak ngedok.
Lucu ni, ani Guntur, "Pasangan Turba (Guntur-Bambang) taat hukum. Dapok gawoh nyak nyani KTP Seruyan. Kidang kik nyak nyani reti ni nyak wat ruwa KPT jak Sampit rik Seruyan."
Temon-temon 'negeri' induh kidah.
3 comments:
keren jg blognya mas, pake bahasa lampung....tp saya agak kurang tau artinya....salam ngeblog...
amien kalo gitu. salam juga. boim lebon. kalo mau tahu bahasa lampung, 'lebon' itu artinya 'hilang'. makanya, wayan dipa (wayan dimana)? hihii...
Ukuiiiii.... nyaman pang mendingak lagu-lagu Lappung di Pangkalan Bun lewat streaming di www.onlampung.com......
Mati Bangek............Nyak ingak lagu2 jaman program Radio Manjau Dibingai tahun 1970-an......
Triyanto. Jl. Antasari, Kel. Baru, Pkl. Bun.
Post a Comment