Kabid SMP/SMA/SMK Dinas Pendidikan Palangkaraya Irus Lanen ngucakko api sai diguwaiko Edy Mulyana lain kekerasan, kidang upaya nguyunko sanak sekula nyin disiplin.... Dst. (Guru Edy Lamon Kena Bela, berita ni Heryadi di Borneonews jemoh, 18/12).
Repa kesetemonan ni, taganko tian sai wat wewenang sai ngurusko ni.
SEKULA KEBANJERAN: Warga sai musti ngebabai anak ni ilung sekula aga turuk ulangan umum uleh ni banjer sai kuruk mit sekula rik pemukiman di Kota Banjarmasin, Kalimantan Selatan, Selasa (16/12). (MI/DENNY SUSANTO) Cerita tumbai. Nyak kuruk SD tahun 1977. Enom tahun sekula dasar. Nyak halok mawek kik menakal. Kidang, risok nyani guru kesol. Kena tampar wat. Kena bebas wat. Kena tayar ilung luar kelas wat muneh.
Kantek-kentek sekula reno menuh wat kena betu oleh ni guru.
Kidang, seingokku mak pernah guru kuadukon sekam jama ulun tuha. Ulun tuha juga mak wat ratong mit sekulo butong-butong jama guru. Apalagi kik ngaduko guru jama pelisi. Mak nihan wat.
Sekam -- injuk ni sadar -- guru nangon guwai ni ngedidik. Nampar, mitit, atawa ngebetu sanak sekula sai nakal injuk sekam sebagian jak pendidikan. Mak ngedok masalah.
Nangon mak ngedok cerita muneh di nana guru nyiksa sanak sekula. Apalagi kik nyani sanak sekula katan-katan atawa mebayoh-bayoh badan ni.
Tanno?
Sanak sekula tanno keliwat manja. Masa kik tibutongi cutik (titampar) ngadu jama ulun tuha. Ulun tuha mincak-mincak di sekula. Wat muneh sampai ngadu mit pelisi.
Ah, hara susah ni jadi guru. Serba salah muneh. Dipemako riya sanak ni ngilu ampun... menakal dipa budol muneh.
Lain soal kik guru sai nyani siswa ngandung atawa mati. Kik guru mak bemoral ya musti tiselko.
2 comments:
salam kenal & kilui ijin supayo dapek me-link blog ijo.
ikam jow ulun lappung jak way kunang, mak laccar bahaso lappung, jadi ijo lah salah satu cara supaya ikam dapek tetap mengasah kemampuan berbahasa lappung.
salam kenal muneh. iya, syukor nihan kidah kik wat kesadaran jama bahasa neram. injuk ani tian bule, "please deh!
Post a Comment