Serebok lagi, 30 Juni 2010, enom kabupaten/kota di tanoh Sang Bumi Ruwa Jurai, mileh kepala daerah (pilkada) barong. Ganti bulan, 2 Juli, Raihan umor ni genap setahun.Nyak tambah tuha riya. Hamper lupa kik nyak ulang tahun (ulang tahun) 12 Juni 2010. Sepengetahuanku sai barong jama nyak ultah ni, Soni Elwina Asraf, rik sekantor rik Romadoni Yunanto, jejama alumni Teknokra.
Semanjang bulan Juni selain pilkada, rumpok hiruk uleh ni kasus video porno mirip Ariel, Luna Maya, rik Cut Tari, Piala Dunia, kontroversi Andi Nurpati, rik renglaya kirak di ipa-ipa.
Bulan Juni pemerai. Nyak jadi ingok puisi "Hujan Bulan Juni" ni Sapardi Djoko Damono sai terkenal. Kuterjemahko mit bahasa Lampung:
Terai Bulan Juni
Sapardi Djoko Damono
mak ngedok sai anjak tabahni
jak terai bulan Juni
diresiakoni tiak tiramni
jama kayu sai ngembang sedi
mak ngedik sai anjak bijakni
jak terai bulan Juni
dihapusni kas-kas cukutni
sai mejujut di renglaya sedi
mak ngedok sai anjak arifni
jak terai bulan Juni
ditagankoni sai mak keucakan
diisop bakak kayu kembang sedi
2 comments:
Nabik Pun Nabik Tabik Tukhap Ngalampukha jama Kuti Khompok sa, sikindua haga nyepuka numpak bubalah cutik , blog sinji helau khek ngasi ti lestakhikon, sekedakh Butanya Cutik Serebok or Sakhebok api sakhibu, pak cutik/kalau ngeni reti ? Kipak Cutik kekalau bukheti ? nyaman kantu talincapne pubalah sikindua kilu mahaf inuk di PUUUUNNN ODO,UDO, Mamak,
baca gawoh inji http://ulunlampung.blogspot.com/2011/01/kamus-dan-transliterasi-bahasa-lampung.html
Post a Comment