Wednesday, May 28, 2008

Adi Ismet

PETUNGGA jelma Lampung di Pangkalan Bun jelas muhanjak nihan.

Cerita ni, Selasa (27/5) pagi-pagi, Aidil adu ngurau lapah. Jadido sekam ruwa midor-midor di Jalan Abdullah Mahmud, renglaya di kebelah rang sekam minok.

Gelar memidoran. Mejong pai sekam ruwa di hadap ni lamban sai.

Basa ni ngeleliak, mubil plat suluh KH 4 .. liwat rik kuruk mit garasi ni lamban seno.

Bakas sai luar jak mubil. Injuk ni nyak kenal.

"Dija, Pak," sekalian goh kutagu.

"Iya," ani. "Jak Lampung?"

"Kemiling," aku.

"Nyak jak Talangpadang," ani luwot.

Iya ji nangon kukenal.

Adi Ismet. Nyak pandai ya sewaktu ngepos di Pengadilan Negeri (PN) Tanjung karang. Ya salah sai hakim di isan.

Mak saka nyak di Pangkalan Bun, kabar ni Ketua PN Pangkalan Bun ganti.

"Kepala PN sai baru jak Lampung," ani Andri Saputra.

Waktu bulan puasa tahun ampai no, nyak sekilas petungga ya pas acara Buka Barong Persatuan Wartawan Indonesia (PWI) Kotawaringin Barat. Kik cerita ni, terakhir semakkung mit Pangkalan Bun, ya tugas di PN Kotabumi, Lampung Utara.

1 comment:

Anonymous said...

Bangik nihan, betungga jama lampung di perantauan.